РФ-са Федерация Сӧветысь сенаторъяс вӧзйӧны выльысь восьтавны страна пасьталаын тшак-вотӧс примитан контораяс.Татшӧм водзмӧстчӧмӧн шыӧдчӧма аграрно-продовольственнӧй да вӧр-ва озырлунӧн вӧдитчан комитетӧ пырысь Ольга Епифанова.

Сылӧн кывъяс серти, вӧр-са вотӧс-тшак ёна чӧскыдджык да бурджык теплицаын да град йӧрын быдтӧмаысь. Ийӧзыс татшӧмсӧ ас кежас вотчысь-иналысьяслысь окотапырысьджык ньӧбалӧны. Но медым унджык вӧлі та могысь позянлуныс, колӧ восьтавны вотӧс-тшак примитан ӧнія заготпунктъяс. Талун жӧ Россияын та боксянь нинӧм на оз вӧчсьы.

Ольга Епифанова казьтыштіс, мый СССР-ын зэв уна вӧлі татшӧмыс, кытчӧ позис вотчысьяслы инавны ассьынысвузӧссӧ. И талун колӧ босьтчыны такӧд йитӧдын уджас, тшӧтш и инвестицияяс весьтӧ восьтавны заготпунктъяссӧ.

–А та дырйи медся тӧдчанаыс сійӧ, мый сиктын олысьяс вермасны тшак-вотӧс чукӧртӧм- иналӧмӧннажӧвитчыны, – пасйис сенатор. – Заготконтора восьталӧм йылысь сёрниыс вӧлі нин 2018 воын, такӧд йитӧдын вӧзйӧмъяс вӧлі сетӧма Госдумалы, но парламентарийяс эз видлавны найӧс. Сідзкӧ, бара колӧ панны та йылысь сёрнисӧ. (Статья из национальной газеты Республики Коми «Коми Му»)